domingo, 24 de abril de 2022

POPSÍA

                     

                                 CHARLA-CONCERTO POPSÍA

   O día 22 de abril no edificio de Usos Múltiples o alumnado de 4ª da ESO  asistiu á charla-concerto POPSIA, un percorrido pola poesía dende o século XIII ata o XX.

 POPSIA aposta por unha combinación de poemas emblemáticos, como  “Ondas de San Simón”, “Rosa das rosas”, “Negra sombra”,.....e música,  como o pop, reggae, rock... 

   Resultou un concerto diferente e atractivo cun músico entregado, Fran Amil, e un público participativo, entusiasta e agradecido.





ENCONTRO INTERXERACIONAL

                                            Encontro interxeracional

   O 7 de abril fixemos un encontro interxeracional entre o alumnado de 2º C e o octoxenario Rosalino Núñez. O alumnado puido coñecer de primeira man como era a vida no século pasado e a visión do presente que ten Rosalino. 

  Con este encontro sacamos valiosos  consellos para o noso futuro e tamén botamos unhas risas e incluso cantamos cancións de Pucho Boedo.






mércores, 20 de abril de 2022

Elefante elegante


                                                            Teatro

   O teatro é sempre unha actividade que nos gusta programar para o noso alumnado. Grazas ao Concello, asistimos á obra de teatro da compañía Elefante elegante; coma sempre, tivo unha grande acollida. Asistimos en tres quendas cos grupos de 3ª ESO e 4ºESO os días 30 e 31 de marzo e 1 de abril.

  Coa obra non só aprendemos e nos entretivemos senón que tamén nos fixo voar a nosa imaxinación, como ben se viu no coloquio posterior.



Pilar Pallarés



                                                                   PILAR PALLARÉS   

Por fin, o 21 de marzo, puidemos recibir n noso centro a visita tan esperada da grande poeta  Pilar Pallarés. Tivemos que esperar dous anos para poder vela xa que a pandemia obrigou a adiar este encontro. Temos sorte de que unha das poetas máis significativas do panorama literario viva no noso concello e se amosase disposta e encantada con encontrarse co noso alumnado de 1º de bacharelato ; aínda que máis encantados estivemos nós escoitándoa.

 

mércores, 23 de febreiro de 2022

Rosalía de Castro

                                                      Rosalía de Castro

 Como todos os anos, recordamos a Rosalía e festexamos este día tan especial.




Andrea Maceiras

                                                ANDREA MACEIRAS


   Este luns, 21 de ferreiro,  tivemos con nós a Andrea Maceiras para falar do seu libro "A folla azul". Asistiu o alumnado de 1ª , o cal quedou entusiasmado coa  súa visita e a súa charla, sempre amena e cercana.




martes, 18 de xaneiro de 2022

SAMAÍN. CONXUROS



      Para celebrar o Samaín organizamos un concurso de conxuros; foi moi difícil elixir os gañadores xa que foi un concurso moi concurrido e os traballos eran realmente magníficos. 

                                                          Grazas por participar!


CONXUROS GAÑADORES

Adeus, ABAU” de María Alonso Pérez (2º BACH C)

Cago na ABAU,

imos darlle con paus.

Non nos deixa vivir,

non nos deixa sorrir.

Vaite, vaite, vaite de aquí!

Vai á merda

e déixanos saír de festa.

Só queremos rematar segundo

e saír ao mundo,

sen morrer no intento, 

sen ningún lamento.

 

 

Conxuro para a adolescencia” de Alejandra López Tapias (3ºESO B)

 Xuventude, hormonas, noivos e noivas,

 facédenos felices aos anacos.

 O resto do tempo...

 tristes, depresivos e encerrados.

 Es coma unha etapa mal anunciada,

 coma unha estaca anoxada.

 Ti aquí non pintas nada,

 por min, colle as túas cousas

 e podrécete na nada.

 

 

Conxuro contra  os libros” de Lucía López Gómez (1º ESO F)

Malas olladas dos profesores a quen copia,

noxentas gomas de mascar, ceros nos exames,

días nos que chove e coa escola hai que lidiar,

odiosas clases os luns para comezar.

 

Aínda que os demos máis poderosos invocarei,

non sei se os vosos demoníacos poderes eliminarei,

posto que a vosa maldade é gran poder,

só o meu conxuro o peso das costas pode desfacer.

 

Libros noxentos, lapis e mais cadernos,

maldito exceso de peso nas mochilas

con esta suor de levalos todos os días,

condénoos a desaparecer das nosas vidas.

 

Maldito peso que temos que cargar cada día nas nosas costas,

polos conxuros dos devanceiros de atrás

e polo conxuro que acabei de inventar

que o demos vos leve ao fondo do mar.

 

Peso desgrazado que cada vez é máis pesado,

mal de ollo para os libros desgrazados.

Que a merda e o mal cheiro os coma

e que os novos ordenadores nos axuden agora.

 

Por iso pídolle con este conxuro mortal

que os coman os demos das gomas rotas

e co voso lume tan infernal

da nova beberaxe que a todos vos devore.

 

A todos os que a saúde articular vos acompañe

e aos que co podre peso carguen

que a Santa Compaña os apañe.

 

Dito todo o conxuro e feitas todas as advertencias,

só por dicir me queda que o  Samaín permaneza

e que o peso dos libros dos profesores se esqueza.